Monthly Archive October 2018

ഗര്‍ഭപാത്രം അടച്ചിടുന്ന ഗാലക്സികള്‍

പത്ത് വര്‍ഷങ്ങള്‍ക്ക് മുമ്പ് ഗാലക്സികളുടെ (താരാഗണങ്ങളുടെ) രൂപീകരണത്തെപ്പറ്റിയും അവയുടെ പരിണാമത്തെപ്പറ്റിയും അറിഞ്ഞിരുന്നതിന്റെ പതിന്മടങ്ങ് കാര്യങ്ങള്‍ നമുക്ക് ഇന്നറിയാം. എന്നാലും പല പ്രധാന കാര്യങ്ങളും ഇന്നും നമുക്ക് അജ്ഞാതമാണ്. ഉദാ:-പ്രപഞ്ചത്തിലെ പല ഗാലക്സികളിലും‍ പുതിയ നക്ഷത്രങ്ങളുടെ രൂപീകരണം ‍ എന്തുകൊണ്ട് അവസാനിച്ചപോകുന്നു എന്നതിനെപ്പറ്റി നമുക്ക് വലുതായി അറിവില്ല. നല്ല നീല നിറത്തിലുള്ള പ്രായം കുറഞ്ഞ സര്‍പിളഗാലക്സികള്‍ നക്ഷത്രരൂപീകരണം അവസാനിപ്പിച്ച് മെല്ലെ മെല്ലെ ചുവന്ന് ശാന്തത കൈവരിച്ച് ദീര്‍ഘവൃത്താകാര വൃദ്ധഗാലക്സികളായി മാറുന്നതായി ജ്യോതിശാസ്ത്രജ്ഞര്‍ പറയുന്നു.

നമുക്കറിയാം നക്ഷത്രരൂപീകരണത്തിന് തണുത്ത് ഘനീഭവിച്ച തന്മാത്രാമേഘങ്ങള്‍ വേണമെന്ന്. ഇത്തരം മേഘങ്ങള്‍ ഘനീഭവിച്ചാണ് പുതിയ നക്ഷത്രങ്ങള്‍ രൂപം കൊള്ളുന്നത്. ഈ മേഘങ്ങളുടെ അഭാവമാണ് ഗാലക്സികളില്‍ നക്ഷത്രരൂപീകരണം നടക്കാത്തതെന്ന് ശാസ്ത്രലോകം വിലയിരുത്തുന്നു. ദശലക്ഷക്കണക്കിന് വര്‍ഷങ്ങള്‍ ആവശ്യമായ ഈ പ്രക്രിയക്ക് തന്മാത്രാ മേഘങ്ങളെ പ്രേരിപ്പിക്കാന്‍ ഗാലക്സികള്‍ക്ക് കഴിയുന്നില്ലത്രെ. ഈ പ്രതിഭാസത്തിന് ജ്യോതിശ്ശാസ്ത്രത്തില്‍ ‘Violent Quenching”(തീക്ഷ്ണമായ ശമനപ്രക്രിയ) എന്നാണത്രെ പേര്.  വളരെ സജീവമായ കേന്ദ്രഭാഗമുള്ള (AGN-Active Galactic neuclie) ഒരു ഗാലക്സിയിലെ ഈ ശമനപ്രക്രിയയുടെ കാരണം കണ്ടുപിടിക്കാന്‍ ചിലിയില്‍ അറ്റക്കാമ മരുഭൂമിയില്‍ സ്ഥാപിച്ചിട്ടുള്ള ALMA (Atacama Large millimeter Array) എന്ന ടെലിസ്കോപ്പ് ഉപയോഗിച്ച്  J.E.Geach എന്ന അമേരിക്കന്‍ ആസ്ട്രോണോമിക്കല്‍ സൊസൈറ്റിയിലെ ഗവേഷകന്‍ SDSS-J1341-032 എന്ന കൂറ്റന്‍ ഗാലക്സിയെ പഠിച്ചു. അതിന് കുറഞ്ഞ കാലത്തില്‍ സംഭവിച്ച മാററങ്ങള്‍ ചിത്രത്തില്‍ കാണുക.

Top- Hubble images of SDSS-J1341-0321

Bottom – Cotours shows the location of molecular gas all COJ(2-1)(left)

Just gas moving rapidly towards us (middle)

Gas moving rapidly away from us(right)

തന്മാത്രാമേഘങ്ങളുടെ തുടര്‍ച്ചയായ ഒഴിഞ്ഞുപോക്ക് ഗോലക്സി മദ്ധ്യത്തിലുള്ള അതിഭീമന്‍ തമോദ്വാരം വലിച്ചെടുക്കുന്നത്കൊണ്ടാവാം എന്നായിരുന്നു ഇത് വരെയുള്ള അറിവ്. എന്നാല്‍ ഈ പുതിയ ടെലിസ്കോപ്പ് (ALMA) ഉപയോഗിച്ചുള്ള വിവരങ്ങളില്‍ നിന്നും മനസിലാവുന്നത് ഗാലക്സി മദ്ധ്യത്തില്‍ ഒരു AGN (Active Glactic neuclie) തമോഗര്‍ത്തം ഇല്ലാതിരുന്നിട്ടും ‍നക്ഷത്രരൂപീകരണം നിലച്ച് തീ കെട്ടണഞ്ഞ അടുപ്പ് പോലെ ചുകന്ന് വ‍‍ൃദ്ധാവസ്ഥയില്‍ ദീര്‍ഘവൃത്താകാര ഗാലക്സിയായി പരിണമിക്കുകയാണത്രെ. കാരണം അതിലെ നക്ഷത്രങ്ങള്‍ തന്നെ അവയുടെ തന്മാത്രാമേഘങ്ങളുടെ ഘനീഭവിക്കല്‍ പ്രക്രിയ അവസാനിപ്പിച്ച് ചുറ്റുമുള്ള വാതകപടലത്തെ ഊതിപ്പറത്തി ഇല്ലാതാക്കുകയാണത്ര.‍