ജ്യോതിശ്ശാസ്ത്രപഠനം പകലും

                ജ്യോതിശ്ശാസ്തമെന്ന് കേള്‍ക്കുമ്പോള്‍ സാധാരണക്കാര്‍ക്ക് രാത്രികളില്‍ നടത്തുന്ന വാനനിരീക്ഷണമാണ് ഓര്‍മ വരിക. രാത്രിയാകാശത്തേക്ക് നോക്കുന്നതിന് എത്രയോമുമ്പ് തന്നെ പകലത്തെ പല ആകാശക്കാഴ്ചകളും മനുഷ്യന്റെ ശ്രദ്ധയില്‍പ്പെട്ടിരുന്നു. നായാടി നടന്ന പ്രാകൃതനായ മനുഷ്യന് പോലും സമയബോധമുണ്ടായിരുന്നു. അതുണ്ടാക്കിയത് സൂര്യനായിരുന്നു. കാലാവസ്ഥയില്‍ കണ്ട മാറ്റങ്ങള്‍ ശ്രദ്ധിച്ചിരുന്നു. ഇതൊക്കെ പകലത്തെ ജ്യോതിശ്ശാസ്ത്രമാണ്. നമ്മുടെ പൂര്‍വികര്‍ ഈ അറിവുകള്‍ എങ്ങനെ ഉണ്ടാക്കിയെടുത്തു എന്നന്വേഷിക്കുന്നത് രസകരമായിരിക്കുമല്ലോ..


നിഴലും വെളിച്ചവും

സ്കൂളിലാണെങ്കില്‍ ഒരു സുഹൃത്തിനെ കൂടെ കൂട്ടാം (ആണായാലും കൊള്ളാം പെണ്ണായാലും കൊള്ളാം). പകല്‍ വെയിലുള്ളപ്പോള്‍ തന്റെയും കൂടെയുള്ള ആളിന്റെയും നിഴല്‍ ശ്രദ്ധിക്കുക. രാവിലെ മുതല്‍ ഉച്ചവരെ നോക്കിയാല്‍ നിഴല്‍ ചെറുതായി വരുന്നത് കാണാം. ഉച്ചക്ക് ശേഷമാകട്ടെ നിഴല്‍ വലുതായി വരുന്നത് കാണാം. എന്താണ് കാരണം. രാവിലെ സൂര്യന്‍ കിഴക്കായിരുന്നു. ഉച്ചയ്ക്കോ, നേരെ തലയ്ക്ക് മുകളില്‍. സന്ധ്യയാകുമ്പോള്‍ പടിഞ്ഞാറെത്തും. സൂര്യന്റെ ഈ സഞ്ചാരം മൂലമാണ് നിഴല്‍ ഇത്തരത്തില്‍ കാണപ്പെടുന്നത്. നോക്കൂ, നിഴല്‍ നോക്കി സൂര്യന്റെ ദിനചലനം കണക്ക് കൂട്ടാമെന്നല്ലേ ഇത് കാണിക്കുന്നത്. എന്നാല്‍ യഥാര്‍ത്ഥ കാരണം ഇപ്പോള്‍ നമുക്കറിയാം. ഭൂമിയുടെ കറക്കം .പടിഞ്ഞാറ് നിന്ന് കിഴക്കോട്ടുള്ള ഭൂമിയുടെ ഈ കറക്കത്തിന് ഭൂമധ്യരേഖയിലെ ഒരു ബിന്ദു 1600 കിലോ മീറ്റര്‍ വേഗതയില്‍ കറങ്ങുന്നു. വിശ്വസിക്കാന്‍ പറ്റുന്നുണ്ടോ ?. പണ്ടുള്ളവര്‍ക്ക് ഇത് സൂര്യന്റെ കറക്കമായിരുന്നു. അവരുടെ അനുഭവം അതായിരുന്നു.>

സമയമെന്തായി

രാവിലെ മുറ്റത്ത് നില്‍ക്കുന്ന കൂട്ടുകാരിയുടെ നിഴല്‍ശ്രദ്ധിച്ചില്ലേ ?.ഇനി കൂട്ടുകാരിയുടെ തലയില്‍ നിന്ന് നിഴലിന്റെ തലയിലേക്ക് ഒരു ചരട് പിടിക്കുക. ഈ ചരടിന്റെ കോണളവ് ഒരു പ്രൊട്ടാക്ടര്‍ ഉപയോഗിച്ച് കണ്ടെത്തുക. സൂര്യന്‍ എത്ര ഡിഗ്രി ഉയരെയാണെന്ന് കൃത്യമായി കണ്ടെത്താം. ഉദാഹരണത്തിന് ഇപ്പോള്‍ സൂര്യന്‍ 45 ഡിഗ്രി ഉയരെയാണെന്ന് പ്രൊട്രാക്ടര്‍ കാണിക്കുന്നു എന്ന് കരുതുക. ഇതുകൊണ്ടെങ്ങനെ സമയം കാണാന്‍ പറ്റും. സൂര്യന്‍ രാവിലെ ഉദിച്ച സമയം അറിയണം. ഇന്ന് സൂര്യന്‍ ഉദിച്ചത് ആറു മണിക്കാണെന്ന് കണക്കാക്കാം. 6 മണിക്ക് സൂര്യന്‍ പൂജ്യം ഡിഗ്രിയില്‍ . ഉദയം മുതല്‍ അസ്തമയം വരെ സൂര്യന്‍ 180 ഡിഗ്രിയാണ് ‍ സഞ്ചരിക്കുന്നത്. 180 ഡിഗ്രി സഞ്ചരിക്കാന്‍ സൂര്യന്‍ 12 മണിക്കൂര്‍ എടുക്കുമെന്നാണ് അര്‍ത്ഥം. അപ്പോള്‍ ഒരു മണിക്കൂര്‍ കൊണ്ട് സൂര്യന്‍ എത്ര ഡിഗ്രി നീങ്ങിയിട്ടുണ്ടാകും?. 180 നെ 12 കൊണ്ട് ഹരിച്ചാല്‍ പോരെ ?. ഒരു മണിക്കൂര്‍ കൊണ്ട് 15 ഡിഗ്രി സഞ്ചരിക്കുന്നു എന്ന് കാണാം. അങ്ങനെയാണെങ്കില്‍ 45 ഡിഗ്രി ഉയരത്തിലെത്താന്‍ എത്ര സമയമെടുക്കും. ? മൂന്ന് മണിക്കൂര്‍. അതായത് ആറു മണിക്ക് ഉദിച്ച സൂര്യന്‍ മൂന്ന് മണിക്കൂര്‍ സഞ്ചരിച്ച് ആകാശത്ത് 45 ഡിഗ്രി ഉയരത്തില്‍ എത്തിയെന്നല്ലെ കാണിക്കുന്നത്?. സമയം ആറിന്റെ കൂടെ മൂന്ന് കൂട്ടിയാല്‍ ഒമ്പത് മണി എന്ന് കിട്ടും. ഇക്കാലത്ത് ഇതൊക്കെ ഒരു തമാശയായി തോന്നാം. വാച്ചോ ക്ലോക്കോ സമയമറിയാന്‍ മറ്റ് മാര്‍ഗമൊന്നുമില്ലാതിരുന്ന കാലത്ത് ഇതിന്റെ പ്രാധാന്യം എത്രയാണെന്ന് പറയേണ്ടതില്ലല്ലോ.

വടക്ക് നോക്കി യന്ത്രം

വെയിലുള്ള സമയത്ത് ഒരു കുട്ടി രാവിലെ സൂര്യന് അഭിമുഖമായി നില്‍ക്കട്ടെ. കൈകള്‍ ഇരു വശത്തുമായി നീട്ടിപ്പിടിക്കൂ. ഇടത് കൈ വടക്ക് ഭാഗത്തെയും വലത്കൈ തെക്ക് ഭാഗത്തെയും മുഖം കിഴക്കും(കീഴര്‍ക്കനെയും) പിന്‍ഭാഗം പടിഞ്ഞാറു ഭാഗത്തേയും (ഞായര്‍ പടിയുന്ന ഭാഗം) കാണിക്കും. പകല്‍ ദിക്കറിയാന്‍ എത്ര എളുപ്പം അല്ലെ . രാത്രിയോ . അതിനാണല്ലോ നക്ഷത്രങ്ങള്‍. അത് പിന്നീടാകട്ടെ.



വിഷു

ഇന്ത്യയില്‍ ആകമാനം ആഘോഷിക്കുന്ന ഒരു കാര്‍ഷിക വിളവെടുപ്പ് ഉല്‍സവമാണ് വിഷു. പല സംസ്ഥാനങ്ങളിലും പല പേരുകളിലാണെന്ന് മാത്രം. പഞ്ചാബില്‍ വൈശാഖിയെന്നും അസമില്‍ ബിഹുവെന്നും മറ്റു പല ഇടങ്ങളില്‍ മേഷാദിയെന്നും വിളിക്കുന്നു. മലയാളിക്ക് മേടമാസം ഒന്ന് അതാണല്ലോ വിഷു. രാത്രിയും പകലും തുല്യമാവുന്ന ദിവസം. വര്‍ഷത്തില്‍ ആറു മാസ ഇടവേളകളില്‍ രണ്ട് ദിവസങ്ങള്‍ രാവും പകലും തുല്യമാണ്. ഭൂമിയുടെ അച്ചു തണ്ടിന്റെ ചരിവാണിതിന് കാരണം. ഈ ചരിവു കൊണ്ടുണ്ടാവുന്ന അയന ചലനങ്ങളാണ് കാലാവസ്ഥ മാറ്റങ്ങള്‍ക്ക് കാരണം. മേടമാസം ഒന്നിന് സൂര്യന്‍ കൃത്യം കിഴക്കുദിച്ച് കൃത്യം പടിഞ്ഞാറ് അസ്തമിക്കും. തുടര്‍ന്നുള്ള ദിവസങ്ങളില്‍ വടക്കോട്ട് നീങ്ങുന്നു. മൂന്ന് മാസം കഴിഞ്ഞാല്‍ മടക്കയാത്ര കര്‍ക്കിടകത്തില്‍. വീണ്ടും കന്നിയില്‍ രാവും പകലും തുല്യം. പിന്നീട് തെക്കോട്ട്. മൂന്ന് മാസം കഴിഞ്ഞാല്‍ മടക്കയാത്ര. വീണ്ടും മേടം.മൂന്ന് മാസം ഇടവിട്ട കാലാവസ്ഥാമാറ്റം.നാല് ഋതുക്കള്‍. ഇത് ഭൂമിയുടെ ഉത്തര ദക്ഷിണ ധ്രുവങ്ങളിേലേക്കുള്ള ചാഞ്ചാട്ടമായാണ് അനുഭവപ്പെടുക. ഋതുക്കള്‍ക്കനുസരിച്ചാണ് കൃഷി ചിട്ടപ്പെടുത്തിയിരിക്കുന്നത്. മേടം ഒന്നിന് രാവും പകലും തല്യമായിരുന്ന കാലം കഴിഞ്ഞു. ഇപ്പോള്‍ മീനം 7 ണ്.(എപ്രില്‍ 14 ന്) ഈ മാറ്റത്തിന് കാരണം ഭൂമിയുടെ അക്ഷത്തിന്റെ 23 ½ ഡിഗ്രി ചരിവാണ്. 28500 വര്‍ഷങ്ങള്‍ കൊണ്ട് ഭൂമിയുടെ അക്ഷം ആകാശത്ത് ഒരു വൃത്തം വരയ്കന്നു. ഇതിനെ പുരസ്സരണം (Precession) എന്ന് പറയും. ഇത് കാരണം ഓരോ 72 വര്‍ഷത്തില്‍ വിഷു ഒരു ദിവസം പുറകോട്ട് നീങ്ങും.

പ്രാദേശിക ഉച്ചയും കൃത്യമായ വടക്കും.

പകല്‍ പന്ത്രണ്ട് മണിക്കാണ് നട്ടുച്ച എന്നും വടക്ക് നോക്കി യന്ത്രം കാണിക്കുന്ന വടക്കാണ് കൃത്യം വടക്കെന്നുമുള്ള ധാരണ ശരിയാണോ ? അല്ലെന്ന് നമുക്ക് കണ്ടെത്താം. ഒരു മീറ്റര്‍ നീളമുള്ള ഒരു കമ്പ് മുറ്റത്ത് കൃത്യം 90 ഡിഗ്രിയില്‍ ലംബമായി കുത്തി നിര്‍ത്തുക. ചട്ടിയിലെ പാത്രത്തിലോ മണ്ണിട്ട് കുത്തി നിര്‍ത്തിയാലും മതി. രാവിലെ 9 മണിക്ക് കമ്പിന്റെ നിഴല്‍ നിരീക്ഷിക്കുക. നിഴലിന്റെ അറ്റം അടയാളപ്പെടുത്തുക. ഈ അടയാളത്തിലൂടെ കമ്പ് കേന്ദ്രമാക്കി ഒരു വൃത്തം വരയ്ക്കുക. വൈകുന്നേരം 3 മണിക്ക് നിഴല്‍ വീണ്ടും അടയാളപ്പെടുത്തുക. നിഴല്‍ വൃത്തത്തില്‍ തൊടുന്ന ബിന്ദുവാണ് അടയാളപ്പെടുത്തേണ്ടത്. രാവിലെ 9 മണിയുടേയും വൈകുന്നേരം 3 മണിയുടേയും ബിന്ദുക്കളെ കൂട്ടി യോജിപ്പിച്ചു കൊണ്ട് ഒരു നേര്‍ രേഖ വരയ്ക്കുക. ഈ രേഖ കൃത്യം കിഴക്ക് പടിഞ്ഞാറ് കാണിക്കുന്നു. ഈ രേഖയുടെ കൃത്യം മധ്യത്തില്‍ ഒരു ബിന്ദു അടയാളപ്പെടുത്തുക. കമ്പ് ഇളക്കിയെടുത്ത് കമ്പ് നിന്ന കേന്ദ്രബിന്ദുവില്‍ നിന്ന് ഈ മധ്യബിന്ദുവിലൂടെ ഒരു രേഖ വരച്ചാല്‍ അതാണ് നമ്മുടെ പ്രദേശത്തിന്റെ കൃത്യംവടക്ക്. രാവിലെ 9 മണിക്കും വൈകുന്നേരം 3 മണിക്കും ഇടയ്ക്കുള്ള സമയത്ത് ഒരു മണിക്കൂര്‍ ഇടവിട്ട് കമ്പിന്റെ നിഴല്‍ അടയാളപ്പെടുത്തിക്കൊണ്ടിരുന്നാല്‍ വടക്ക് അടയാളപ്പെടുത്തിയ രേഖയില്‍ നിഴല്‍ വരുന്ന സമയത്താണ് നമ്മുടെ പ്രദേശത്തിന്റെ നട്ടുച്ച. മറ്റൊരു വഴിയിലൂടെയും ഇത് കണ്ടെത്താം. രാവിലെ ഒരു മണിക്കൂര്‍ ഇടവിട്ട് .11.30 ആവുമ്പോള്‍ 15 മിനുട്ട് ഇടവിട്ട്. 12ആകുമ്പോള്‍5 മിനുട്ട് ഇടവിട്ട്. നിഴലിന്റെ നീളം ഏറ്റവും കുറവ് രേഖപ്പെടുത്തിയ സമയമാണ് നട്ടുച്ച. ഇത് കൃത്യം 12 മണിയല്ലെന്ന് അനുഭവത്തിലൂടെ മനസിലാക്കാം.

സൂര്യഗ്രഹണം

പകല്‍ സമയത്ത് നടക്കുന്ന രസകരമായ ഒരു ആകാശനാടകമാണ് സൂര്യഗ്രഹണം. ഭൂമിയിലെ സകല ജീവജാലങ്ങള്‍ക്കും ജീവിതം നല്‍കുന്ന ആ ഊര്‍ജസ്രോതസ് അല്‍പ സമയത്തേക്ക് കാണാതായാല്‍ ഉണ്ടാകുന്ന ആപത്തിനെക്കുറിച്ച് ചിന്തിച്ച പൗരാണികര്‍ അതുകൊണ്ടായിരിക്കാം ഗ്രഹണത്തെക്കുറിച്ച് പല കഥകളും മെനഞ്ഞത്. നമുക്കറിയാം സൗരയൂഥത്തില്‍ സൂര്യന് ചുറ്റും ഗ്രഹങ്ങളും ഉപഗ്രഹങ്ങളും ചുറ്റിക്കറങ്ങുന്നു. ഈ കറക്കത്തിനിടയില്‍ സൂര്യനും ഭൂമിയും ഭൂമിയുടെ ഉപഗ്രഹമായ ചന്ദ്രനും പലപ്പോഴും ഒരേ രേഖയില്‍ വരാനിടവരുന്നു. സൂര്യന്റെയും ഭൂമിയുടെയും ഇടയ്ക്ക് ചന്ദ്രന്‍ കടന്ന് വന്ന് ഭൂനിവാസികള്‍ക്ക് അല്‍പനേരം സൂര്യബിംബം മറയ്ക്കപ്പെടുന്നതിനെയാണ് സൂര്യഗ്രഹണമെന്ന് പറയുന്നത്. ഭൂമിയിലെ നിരീക്ഷകര്‍ക്ക് ആകാശത്ത് സൂര്യചന്ദ്ര ബിംബങ്ങളുടെ വലുപ്പം ഏതാണ്ട് അര ആര്‍ക്ക് മിനുട്ടില്‍ അല്‍പം കൂടുതലാണ്. ഇക്കാരണത്താല്‍ ഇവ രണ്ടും നേര്‍ രേഖയില്‍ വരുമ്പോള്‍ ഒന്ന് മറ്റൊന്നിനെ പൂര്‍ണമായി മറയ്ക്കും. ഇതിന് മറ്റൊരു കാരണം കൂടിയുണ്ട്. സൂര്യനിലേക്ക് ഭൂമിയില്‍ നിന്നുള്ള ശരാശരി ദൂരം 14.96 കോടി കിലോ .മീറ്ററും ചന്ദ്രനിലേക്കുള്ള ശരാശരി ദൂരം 3,84,000 കിലോ മീറ്ററുമാണ്. ഈ ദൂരങ്ങള്‍ തമ്മിലുള്ള അനുപാതവും സൂര്യന്റെയും ചന്ദ്രന്റെയും വലുപ്പങ്ങള്‍ തമ്മിലുള്ള അനപാതവും 400 ആണ്. ഇതും പൂര്‍ണ സൂര്യഗ്രഹണത്തിന് ഒരു കാരണമാണ്. ഈ പ്രകൃതി പ്രതിഭാസം നടന്നപ്പോഴൊക്കെ പ്രപഞ്ചത്തെപ്പറ്റി പഠിക്കുവാന്‍ ശാസ്ത്രലോകത്തിന് ധാരാളം അവസരങ്ങള്‍ ഉണ്ടായിട്ടുണ്ട്.
ആല്‍ബര്‍ട്ട് ഐന്‍സ്റ്റൈന്‍ നൂറു വര്‍ഷങ്ങള്‍ക്ക് മുമ്പ് തന്റെ പൊതു ആപേക്ഷിതാ സിദ്ധാന്തം ആവിഷ്ക്കരിച്ചു. അത് പ്രകാരം ശക്തമായ ഗുരുത്വാകര്‍ഷണമുള്ള വസ്തുക്കള്‍ സ്പേസിനെ വക്രീകരിക്കും എന്ന ആശയം മുന്നോട്ട് വെച്ചു. ഈ പ്രവചനത്തിന്റെ സാധുതയെ പരിശോധിച്ചത് ഇന്നേക്ക് 100 വര്‍ഷങ്ങള്‍ക്ക് മുമ്പ് 1919 ല്‍ പടിഞ്ഞാറന്‍ ആഫ്രിക്കന്‍ കടലിലെ 'പ്രിന്‍സിപ്പെ' എന്ന ദ്വീപില്‍ വെച്ച് നിരീക്ഷിക്കപ്പെട്ട ഒരു സൂര്യഗ്രഹണസമയത്താണ്. സൂര്യഗ്രഹണ സമയത്ത് സൂര്യന്റെ പിന്നില്‍ മറഞ്ഞിരുന്ന ഒരു നക്ഷത്രത്തിന്റെ പ്രകാശം സൂര്യന്നടുത്ത് കൂടി കടന്ന് വരുന്നത് ഫോട്ടോയെടുക്കാന്‍ കഴിഞ്ഞു.

അടുത്ത ഭാഗത്തില്‍ ഗ്രഹണദര്‍ശിനി ഉണ്ടാക്കാം.........

What's New

You can find the new posts of explore universe here, Don't forget to send your feedback to us

ചന്ദ്രാ എക്സ്റെ നിരീക്ഷണ നിലയം

1999 ജൂലായ് മാസം നാസയുടെ സ്പേസ് ഷട്ടില്‍ കൊളംബിയ ചന്ദ്ര

ബീഹാറിലെ ഉല്‍ക്കാ പതനം

ബീഹാറിലെ മധുബാനി ജില്ലയില്‍ പാടത്ത് ഏതാണ്ട് 15 കിലോഗ്

ഇരുണ്ട ദ്രവ്യം

ഇരുണ്ട ദ്രവ്യത്തിന്റെ കണികകള്‍ക്ക് ജീവജാലങ്ങളെ നശിപ

ടൈറ്റാനിലേക്ക് പറക്കുന്ന തുമ്പികള്‍

നാസയുടെ 'ന്യൂ ഫ്രോണ്ടിയര്'‍ എന്ന പദ്ധതിയുടെ ഭാഗമായി സ

ചന്ദ്രയാന്‍-2

ഭൂമിയുടെ ഏറ്റവും അടുത്തുള്ള പ്രപഞ്ച വസ്തുവാണ് ചന്ദ്രന്‍. അതിനെ അടുത്തറിയവാനും അതിനെക്കുറിച്ചുള്ള വസ്തുതകള്‍ ശേ ഖരിച്ച് രേഖപ്പെ ടുത്താനുമാണ് ചന്ദ്രയാന്‍ പ ോകുന്നത്. ഇനിയും ശൂന്യാകാശത്തിന്റെ ഉള്ളിലേ ക്ക് പ ോകാനുള്ള സാങ്കേ തിക വിദ്യ നേ ടാനും ആഗ ോള സഹകരണത്തിന് പുതിയ ശാസ്തജ്ഞരെ സൃഷ്ടിക്കാനും ഭൂമിയുടെ പ്രാഗ് ചരിത്രവുമായി ചന്ദ്രന്റെ ബന്ധം മനസിലാക്കാന്‍ ആന്തരീക സൗരയൂഥത്തിന്റെ അലങ്ക ോലപ്പെ ടാത്ത ചരിത്ര രേഖകള്‍ ചന്ദ്രനിലുണ്ട്. ഇപ്പ ോഴും ചന്ദ്രന്റെ ഉത്ഭവം നമുക്ക് വ്യക്തമല്ല.