Learn Astronomy

ജ്യോതിശ്ശാസ്ത്രം – ഭാഗം – 8

പ്രൊ.കെ.പാപ്പുട്ടി

ഒടുവില്‍ സൂര്യന് എന്ത് സംഭവിക്കും

സൂര്യന്റെ ഉള്ളില്‍ ഹൈഡ്രജന്‍ ഫ്യൂഷന്‍ നടക്കുന്നു എന്നും ഓരോ സെക്കന്റിലും 60 കോടി ടണ്‍ ഹൈഡ്രജന്‍ ഹീലിയമായി മാറുന്നുവെന്നും നമ്മള്‍ മനസിലാക്കി. സ്വാഭാവികമായും വരാവുന്ന ചോദ്യം ഇതാണ്. എങ്കില്‍ ഒടുവില്‍ സൂര്യന് എന്ത് സംഭവിക്കും. സൂര്യന്റെ മൊത്തം മാസ്സ് 2×10³° kg വരും. അതില്‍ 70% ത്തിലധികം ഹൈഡ്രജനുമാണ്. ഇതിനകം ജ്വലിച്ചു തീര്‍ന്നത് അതില്‍ ചെറിയൊരംശം മാത്രം. എങ്കില്‍ സൂര്യന്‍ ഇതു വരെ ജീവിച്ചതിന്റെ (ഏതാണ്ട് 460 കോടി വര്‍ഷം) പല മടങ്ങ് ഇനിയും ജീവിക്കുമല്ലോ എന്ന് തോന്നാം. പക്ഷെ സംഗതി അങ്ങനെയല്ല. സൂര്യന്റെ കാമ്പില്‍ ആകെ വ്യാപ്തത്തിന്റെ 10% ഭാഗത്ത് മാത്രമാണ് ഫ്യൂഷന്‍ നടക്കുന്നത്. അവിടെയേ അതിന് ആവശ്യമായ താപനിലയും മര്‍ദ്ദവും ഉള്ളു. ആ കാമ്പിലെ ഹൈഡ്രജന്റെ പകുതിയോളം ഇതിനകം ജ്വലിച്ചു തീര്‍ന്നുപോയി. കുറച്ചൊക്കെ പുറത്തെ അടരില്‍ നിന്നും ഇനിയും സംവഹനം വഴി എത്താമെങ്കിലും ജീവിച്ചതിന്റെ ഇരട്ടി കാലം പോലും സൂര്യന് ഇനി സാധാരണ ജീവിതം സാധിക്കുമെന്ന് തോന്നുന്നില്ല. ഏറിയാല്‍ 700 – 800 കോടി വര്‍ഷം കൂടി എന്നാണ് കണക്കാക്കുന്നത്.

Read More